Sisimiuni terissat ajornartorsiutaasit
Terissat taama amerlatigisut sumiiffimmi aalajangersimasumi piffissap taama sivikitsigisup ingerlanerani pisarineqarsimanerat soorunami akuersaarneqarsinnaanngilaq peqqissutsimullu akornutaasinnaalluni. INI-p inissiaataannik attartortut terissat ajornartorsiutaanerat ilungersorlutik qaangerniarsarisimavaat, maannamulli iluatsissinnaasimanagu.
- Piffissami aggersumi kiilerini putut milissorneqassapput silaannarissarnermullu pingaarutillit saviminernik qassutaasalersorneqassallutik terissanik iserterfigi
neqarsinnaajunnaarsillugit. Terissat iserterfigisinnaasaat milissorneqareerpata, terissat inissianiilersimasut nungusarneqalissapput, INI-mi attaveqaqatigiinnermut pisortaq Else Løvstrøm nassuiaavoq.
Terissat illunut iserterniarsarileraangamik putukkut aqerluusamik pulatitsivigineqarsinnaasukkut isersinnaasarput. Terissat putukkut 7 millimeterinik angitigisukkut isersinnaapput, taamaammat terissat ajornartorsiutaanerat qaangivissorneqassappat annertuumik suliniuteqartoqartussaassaaq.
- Sisimiuni terissat nungusarneqarnissaat anguniarlugu kommune qanoq suleqatigineqarsinnaanersoq paasiniarlugu saaffigineqassaaq, INI-miillu neriuutigaarput piffissami qanittumi terissat ajornartorsiutaanerat qaangerneqarumaartoq, Else Løvstrøm oqarpoq.
