Sisimiuni peqqinnissaqarfiup nakorsiartarfiit matugai
Peqqinnissaqarfik Sisimiuni ukiup sinnerani nakorsakinnera pissutigalugu nakorsiartarfik matoqqassaaq. Peqqinnissaqarfik Facebookikkut quppernermini decembarip aqqarnani allappoq.
Nakorsiarnissamut piffissamik inniminniisarfik 2024-mi januaarip aappaata tungaanut matoqqassaaq.
Pinasuartumik ikiorneqartariaqaruit januaarip aallaqqaataata tungaanut nakorsamut 80 11 22-mut nalunaaqutaq 8.00-ip 9.00-illu akornanni sianerlutik piffissamik inniminniisinnaavutit.
Sumiiffinni assigiinngitsuni ajornartorsiutaasoq
Sisimiuniinnaq piffissamik inniminniisinnaaneq kisimi matuneqartariaqanngilaq. Nuummi Dronning Ingridip Napparsimmaviani nakorsat akornanni napparsimasoqarnera pissutigalugu nakorsiartitsiffissat aamma matuneqarallarnikuupput.
Dronning Ingridip Napparsimmavianili piffissamik inniminniisinnaaneq ullormi ataatsimi kisimi matoqqavoq, Sisimiunilu sapaatit akunneri pingasut missaannik sivisussuseqassalluni.
Aamma Qaqortumi nakorsassaaleqingaatsiartoqarpoq. Qaqortumi Peqqinnissaqarfiup nakorsiarnissamut piffissat arlallit novembarip sinnerani matunikuaai. Decembarimilu piffissat ilaanni ataasiinnarmik nakorsaqartartussaanera pissutigalugu nakorsamut piffissat decembarimi aamma killeqassasut Facebookikkut nalunaarutiginikuuaat.
