Sisimiuni inuit ullormi ataatsimi qinersisoqarnissaa pillugu: Qinersiartorutta tamaasa naammassissavagut

Isumatsialak ajornaatsunnguarluunniit? Sisimiuni inuit ullormi ataatsimi marlunnut qinersisoqarnissaa isumatsialaanersoq isumaqatigiissutiginngilaat.
Ulloq apriilip ulluisa arfernanni aamma ilagiinnut qinersisoqarlunilu nunaqarfiit siulersuisuinut qinersisoqassaaq. Assi © : Sisimiut TV / Ole Pl. Petersen
februaarip 18-at 2021 11:35
Nutserisoq Connie Fontain

Apriilip ulluisa arfernanni kommunimut Inatsisatsunullu qinersissaagut.

Qeqqani kujataanilu borgmesterit isumatsialaanngissoraat – kommunimut qinersinq Inatsisartunut qinersinerup ukkatarineqarneranit annikinnerulernissaa taakku ernumassutigaat.

Qassiiusullu taakku isumaqatigaat. Sisimiunilu tamatuma isumatsialaaneranik tamarmik isumaqanngillat.

 

Assi © : Sisimiut TV

Assi: Sisimiut TV

 

Qinersinerit taakku marluk immikkoortikkuminaannissaat Karl Jørgen Enoksenip ernumassutigaa:

- Pissangagikujuppara, soorlu ataatsikkut qineqqusaalerunik kommune inatsisartullu isumaqaraluarpunga immikkut qineqqusaartariaqaraluartut. Soorlu kommuimut qinersinialerutta kommunimi sammisassat suut pingaarutillit taavalu inatsisartuni aamm sammisassat suut pingaarutillit taputartuullugit qineqqusaarnialerunik, isumaqanngilanga torrallataassasoq.

Lars Peter Olsenilli qinersinerit ullormi ataatsimi marluunissaat ajorinngilaa – qaangiutipallassappummi:

 

Assi © : Sisimiut TV

Assi: Sisimiut TV

 

- Atorluartariaqaraluarpoq piffissaq taanna, coronartoqarnerani taamatut qinersisaqattaassagutta, pitsaaneruvoq immaqa ataatsikkut qinersiinnarutta. Aamma qinersiartorutta katersortarfimmiinnitsinni ikunga ikunga pilaarutta tamaasa naammassissavagut.

Taannalu kissaateqarpoq:

- Ajornanngikkaluarpat, kinaluunniit qineqqusaartussaq arlaatigut ilinniagaqarsimasariaqaraluarpoq, imaanngitsoq ’taakku kammalaatigigakkit imaluunniit kammalaatiginerugakkit qinissaqqaarpaannga, ilaqutarpassuaqarama qinigaaguma ingissaanga’. Tamakkuunngitsut. 

 

Assi © : Sisimiut TV

Assi: Sisimiut TV

 

 - Coronaqarnera eqqarsaatigalugu, ullormut ataatsimut katersornerat ajorinngiivippara, Angunnguaq Boassen oqarpoq.

Taassuma inuusuttorpassuit qineqqusaarnissaat neriuutigaa.

- Misigaara nunatta pisariaqartikkaa.

Ulloq apriilip ulluisa arfernanni aamma ilagiinnut qinersisoqarlunilu nunaqarfiit siulersuisuinut qinersisoqassaaq.