Sisimiuninngaaneersoq Avannaata Qimussersuini ajugaavoq
marsip 27-at 2021 19:17
Seqinnarissuugaa Avannaata Qimussersui Ilulissani ingerlanneqarpoq, qimussit 27-it peqataaffigisaani.
Oqaluttuarisaanermi siullermeerluni qimusserluni sukkaniuttoqarmat 40 kilometerisut isorartutigisumik qimussit sukkaniupput, tassanilu Sisimiuninngaaneersoq Kristian Lundblad ajugaavoq.
Top 5:
- 1: Kristian Lundblad, Sisimiut.
- 2: Otto Kristensen, Innaarsuit.
- 3: Frederik Mathiesen, Ilulissat.
- 4: Ville Siegstad, Ilulissat.
- 5: Jonas Kristensen, Kullorsuaq.
Kristian Lundblad tullerisaminit Otto Kristensenimit Upernavimmeersumit minutsimik ataatsimik sukkanerulluni apuuppoq, normu 3-inngorluni Frederik Mathiesen Ilulissat.
Pilersaarutagaluarpoq Kalaallit Nunaani qimusseqarfiusuneersut tamarmik Avannaata Qimussersuini peqataassasut. Kisianni qimmit Aasianniittut Tasiilamiittullu akiuussutissamik kapineqarsimannginneri pissutigalugit illoqarfinnit taakuanit peqtaasoqanngilaq.
