Sisimiormiu lottorluni millionærinngortoq
Lottomi kisitsisit ippassaq arfininngornermi makinneqarmata Sisimiormiu ataaseq nuannaarsimassaaq, taannami 8 millionit koruuninik eqquivoq.
Sisimiuni Brugseneeraq Kussangasumi lottokupinisisup, akileraarutitaqanngitsunik 8 millionit koruuninik pissarsinissani maanna qilanaarisinnaalerpaa.
Danske Lotteri Spilimi pisortaanerup Malene Mølgaardip, Sisimiormiup eqquinera nuannaarutigaa:
- Kunngeqarfik tamakkerlugu lottomi eqquisunut agguaassineq nuannertuaannarpoq, lottomilu eqquisoqarnerit tamaasa Danske Spilimi nuannaarutigiuaannarparput, aamma sapaatit akunnerit tamaasa, taanna oqarpoq.
Millionærgaranti aqqutigalugu inuit allat marluk Danmarkimi aamma millionærinngortut
Sisimiormiup 8 millionit koruuninik eqquinerata saniatigut inuit marluk allat Millionærgarantimi aamma millioninnapput. Tassa sapaatit akunnerit tamaasa inuit marluk tamarmik immikkut 1 millionit koruuninik Millionærgaranti aqqutigalugu eqquisarput. Inuit marluk taamaasillutik tamarmik immikkut 1 millionit koruunik sapaammi ullaakkut aallersinnaanngorput.
Danske Spilip eqquisut suli oqaloqatigisimanngilai, eqquisulli pilluaqqullugit.
