Sirius-patrulje umiarsuarmi takornariartaammi ikkarleqqasumiissimavoq
Sirius-patruljep umiarsuarmi takornariartaammi Ocean Explorerimi ataasinngormat ualikkulli Tunup avannaani ikkarleqqasimasoq ikiffigisimagaa, Issittumi Sakkutooqarfik Facebookimi ilisimatitsivoq.
Issittumi Sakkutooqarfik umiarsuarmi takornariartaammi pisoq ilungersunartutut isigineqarneranik ilisimatitsivoq.
Sirius-patrulje Issittumi Sakkutooqarfik ikiorniarlugu umiarsuarmut ikisimavoq ilaasut inuttallu ikkarlinnermit ullut unnuallu marluk ingerlareerneranni ajunnginnerat qulakkeerniarlugu.
Inuttat ilaasullu ilungersunartumik inissisimapput, pissutsilli taamaannerat eqqarsaatigigaanni umiarsuarmi qiimapput umiarsuarmiittullu tamarmik ajoratik, Issittumi Sakkutooqarfik Facebookimi allappoq.
Sirius-patruljemik ikiorneqarnissaq, pisariaqassappat
Umiarsuaq ikkarlinnermit ajoqusersimaneranik suli takussutissaqanngilaq, umiarsuarlu nammineq kaanngaqqinniarluni misiliissaaq. Iluatsinngippat Sirius-patruljemi sulisut pisariaqartitsisoqalissappat akunnerup affaata ingerlanerani tikissinnaasut Issittumi Sakkutooqarfik allappoq.
Sakkutuut umiarsuaat Knud Rasmussen ippassaq ornillugu aallartinneqartoq maanna ingerlaarpoq tallimanngorpallu ullaakkut tikinnissaa naatsorsuutigineqarluni.
