Sipaarneq nunaqarfimmiut maniatsaatigaat
Tamannalu Saattuni Ikerasannilu mamiatsaatigineqarpoq, aningaasat taakkua ilaat nunaqarfinni taakkunani isumalluutigineqarsimagaluarmata:
- Tassa ullaaq aatsaat ilaasortaqatima arlaanniigaanniit kalerrinneqarama paasivara, pingaartumik nunaqarfiit ukua Saattut Ikerasallu eqqarsaatigalugit kommuunip sammisassaqartitsiniutitut suliniutaani tiimit atugassat annertuumik ilanngartuiffigineqarsimasut,Jens Kristian Therkelsen, Ikerasanni, Saattunni Ukkusissanilu NUnaqarfinni Aqutsisut siulittaasuat oqarpoq.
Kisianni borgmester Jess Svanep ilisimatitsissutigivaa aningaasat pineqartut pinngitsoorani ikiorsiissutigineqartussanut illikartinneqarsimasut:
- Aasaq juunimi kommunalbestyrelsep ataatsimiinnermini aningaasatigut nakkutiginneqqissaarnissaq aammalu isumaginninnerup iluani aningaasartuutigiumaagassagut ima qaffasitsigilersimammata atunngittoorsinnaasorinngisaniik nussuisoqarnikuuvoq isumaginninnerup kontoanut nussuinikkut, borgmester Jess Svane nassuiaavoq.
Taamaattorli kommuunip piginnaanngorsaanermut sulisitsiniaanermullu aningaasaliissutiminik sipaarniarnera Saattuni Ikerasannilu eqquinerluttussanngorpoq:
- Annaanerisa kingorna, pingaartumik Saattuni Ikerasannilu innutaasut suliffissaaleqisut annertuumik ukiup naajartulernerani eqqungaasussanngorput. Tamannalu Nunaqarfinni Aqutsisuniilluni assut mamianarpoq, Jens Kristian Therkelsen oqarpoq.
Jess Svaneli ernumanngilaq. Taassumami nassuiaanera malillugu kommuuni Namminersorlutillu Oqartussat suliffissaaleqineq akiorniarlugu suliniuteqaleruttorput:
- Suliffissaaleqinerujussuarlu illuatungilerniarlugu Namminersorlutik Oqartussallu isumaqatigiilluta inoqarfinni pisariaqartitsiviunerpaani unittuunnginnissaq siunertaralugu iliuusissagut ilaanni aamma aallartereerput, borgmester Jess Svane naggasiivoq.
