Siornatigut ministeri nunatsinnut oqaaseqartartunngorpoq
Nunasisut akuunerulersinniarnissaannut ilageeqarnermullu ministeriusimasoq Birthe Rønn Hornbech ukiorpassuarni inatsisiliornikkut sulereerluni partiimini oqaaseqartartuuffigisaminit tunuartussanngorpoq.
Venstrep Kalaallit Nunaat pillugu oqaaseqartartorilissavaa illersornissamut ministeriusimasoq Gitte Lillelund Bech.Birthe Rønn Hornbech 69-inik ukioqartoq ukiut 25-t sinnerlugit Folketingimut ilaasortaasimavoq, Folketingimullu tulliani qinersisoqalerpat qinigassanngorteqqinniarani marsip qaammataani nalunaarutigaa.
Qinigaaffik tamakkerneqassappat, taamanikkussamut 72-inik ukioqassaanga. Allannissannut oqalugiarnissannullu piffissaqarnerorusuppunga, peqqitsillungalu tamakku angumeriniassagukkit Christiansborgip qimannissaanut piffissanngorpoq, Dagbladet Køgemut marsip qaammataani oqarpoq.
Venstrep Kalaallit Nunaat pillugu oqaaseqartartortaavata, Gitte Lillelund Bechip, tulliani qinersisoqalerpat qinigassanngorteqqinniarnani aamma nalunaarutiginikuuaa.
