Siorarsiorfik pillugu siunnersuisoq Danmarkimi kommunimut taarsiissuteqartoq

Per Bendixip suliffeqarfiutaata Bendix Consultip,  Frederikssund kommuniata illoqarfimmik ineriartortitsinermut suliniutaanut Vinge Centrumimut ukiuni arlaqartuni siunnersorpaa. Aningaasaliisunut isumaqatigiissut atorunnaarsinneqarmat, suliniut siorna juullinnginnerani ajutoorpoq.

700.000 koruuninik neqeroorut naammaginanngimmat, kommunip siunnersuisarfimmut isumaqatigiinniarnernini nanginnissaa ingerlatsiviup kommunimut inassutigigaluarpaa.

Komunimili politikerit neqeroorummut, Per Bendix Consultip Vingemut suliniummi ukiuni arlalinni siunnersuinerminut katillugit pisaasa qulerarterutaannaannannut akuersisut, DR allappoq.

AAMMA ATUARUK Sermersuumi siunnersorti pilersaarutinik arlalinnik iluatsinngitsuugaqartoq

Roskilde Universitetetimi inuiaqatigiilerinermut professori, Bent Greve, naapertorlugu, taartisiat kommunip Bendix Consultimit siunnersorneqarnerminit katillugit aningaasartuutaanut 8,4 millionit koruuniusunut naleqqiullugit ikittuararsuupput.

- Amerlanernik pissarsiaqarnissap eqqartuussisutigut suliamik ingerlatitsiinnarnissamut eqqartuussissuserisoqarnermullu aningaasartuutinut sivisuumik missingersuunneqarsimanissaa ilimagaara. Aamma eqqartuussisutigut suliani piumasarineqartut pinngitsooriaannaasarput, Bent Greve DR-imut oqarpoq.

Per Bendixip isumaqatigiissuteqartoqarsimasoq uppernarsarpaa, Vingemullu suliami akisussaasut arlaliusut innersuussutigalugu.

AAMMA ATUARUK Siunnersorti kusanaatsulianit eqqugaasoq ingerlatsisumit atorneqanngitsoq