Sioorasaarisimasutut pasisaq suli napparsimavallaarpoq
Unnerluussisuutitaaneq, Morten Nielsen, Sermersooq Politiineersoq KNR-imut taama nalunaarpoq.
Tarnimikkut napparsimasut Risskovimi immikkoortortaanni, pasineqartup uninngaviani nakorsat eqqartuussivimmut ornigussinnaaneranik nalilersuisartut politiinit ingerlaavartumik attavigineqartuartut politiit ilisimatitsipput.
Aamma atuaruk Siorasaarisutut pasisaq ulluni 25-ni tigummigallagaassaaq
Sermersuumi eqqartuussiviup februaarip arfineq-aappaanni angut ulluni 25-ni tigummigallagassanngortippaat. Pasineqartoq peqataatinnagu taamannak aalajangertoqarpoq, pasineqartormi tarnimikkut napparsimasut immikkoortortaanni unitsinneqarsimammat.
Angut ima napparsimajunnaartigippat eqqartuussivimmut sassarsinnaanngorluni taava akunnerit 24-t qaangiutsinnagit sassartinneqassaaq. Sulili tassa napparsimavallaarpoq.
Aamma atuaruk Angutip inini iserfigitsaaliorsimavaa
Marsip pingajuanni suli napparsimagaluarpalluunniit eqqartuussivikkoorunneqaqqissaaq, tigummigallagassanngortinneraniimmi ullut 25-t qaangiutissammata.
Aamma atuaruk Pasineqartoq inimini aallaaseqarpoq