VIDEO Sinniisussat naalakkersuisunngortitsiniarluni isumaqatigiinniarnerit pissangallutik utaqqimaarpaat
- Soorunami tulluusimaarnarlunilu pissanganarpoq. Ullunimi tullerni isumaqatigiinniarnerit takutikkumaarpaat qanoq pisoqassanersoq, taamaammat soorunami pissangavugut.
- Qinigaanissannut piareersimasutut misigisimanera pissutigerpiarlugu Inatsisartunut qinigassanngortippunga. Nalunngilara maannakkorpiaq isumaqatigiinnialeruttortut. Qanoq piumaffigineqassanersugut isumaqatigiinniarnerit takutikkumaarpaat. Kisianni piareeqqavugut, Vivian Motzfeldt KNR-imut oqarpoq.
Suka Frederiksen 171-init qinerneqarpoq, Vivian Motzfeldtilu 153-init qinerneqarluni, siulittaasullu Kim Kielsenip Siumukkormiut Inatsisartunut qinigaasut ilaannik naalakkersuisunngortitsissagaluarput Jens-Erik Kirkegaard sinniisussat pingajuattut aamma inissisimavoq.
Aamma atuaruk Inatsisartuni ilaasortaajunnaartut
Inuit Ataqatigiinni Múte Bourup Egede 82-init qinerneqarluni sinniisussat siullersaraat tulleraalu Hans Aronsen 81-init qinerneqartoq.
Demokraatini siullersaraat Michael Rosing (102-init qinerneqartoq) tulleralugu Tillie Martinussen (62), Atassummilu Siverth K. Heilmann sinniisussat siullersaraat (256-init qinerneqarluni) tulleraalu Steen Lynge (135-init qinerneqartoq). Taakkulu naalakkersuisunngortitsiniarnermi isumaqatigiinniarnerit maanna utaqqimaarpaat.
Partii Naleqqami Henrik Fleischer (64-init qinerneqartoq) sinniisussat siullersaraat tulliullunilu Anthon Lindenhann (62-init qinerneqartoq), taakkulu parteertik naalakkersuisunngortitseqataassanersoq maanna aamma pissangalluatik utaqqivaat.