Sinerissap qanittuani saarullittassiissutit ilaneqartut
Sinerissap qanittuani saarullittassiissutit kingullermik oktobarimi ilaneqarmata Naalakkersuisut naatsorsuutigisimavaat pisassiissutigineqartut ukiup sinneranut naammassasut.
Pisassiissutigineqartulli ilaneqareersut paasinarsivoq ilassutigineqartut kisitsisinik kukkusumik tunngaveqarluni ilassutaasimasut, taamaammat sinerissap qanittuani saarullittassiissutit ikinaarneqarsimasut naammatsinniarlugit Naalakkersuisut ilavaat, ukiup sinnerani aalisarnerup ingerlanneqarnissaa suliffissaqartitsinissarlu angujumallugit, Naalakkersuisut tusagassiorfinnut nalunaarumminni taama allapput.
Ukioq mannamut saarullittassiissutit katillugit 34.400 tonsinngorput.
Biologit piujuaannartitsinissaq pillugu siunnersuussutigisaannut naleqqiullugu saarullittassat pingasoriaammik amerlanerupput.
Ukioq mannamut saarullittassat 12.379 tonsiunissaat biologit siunnersuutigaat.