Simon Lynge MIO-p angalanera aallarnerlugu appisimaattoq
Meeqqat Inuusuttullu Oqaloqatigiinnittarfiat MIO, Kujataani maanna angalalerpoq, angalaneralu meeqqanut ambassadørip Simon Lyngep Qaqortumi meeqqanut ilaqutariinnullu tusarnaartitsineranik aallarnerneqarpoq.
Allattoq Karsten Sommer
oktobarip 17-at 2016 13:54
Meeqqat Illersuisuat Aviâja Egede Lynge angalaqataassaaq, angalanissanilu qilanaaraa.
- Kujataaniinnitsinni meeqqat inersimasullu naapinnissaat meeqqallu atugaasa paasisaqarfiginissaat qilanaareqaarput. Neriuppugullu innuttaasut amerlasuut periarfissaq una atorlugu meeqqat atugaannik oqaluttuukkiartussagaatigut, taamaasilluni MIO meeqqat atugaannut nukittorsaaqataasinnaaniassammat, meeqqat illersuisuat Aviâja Egede Lynge oqarpoq.
Aamma atuaruk MUSIKVIDEO Simon Lynge: Asanninneq pitsaasumik inuuneqalernissamut tunngaviuvoq
Qaqortoq, Narsaq, Nanortalik, Alluitsup Paa, Aappilattoq Qassiarsullu, MIO-p Kujataani angalerani tikinneqassapput.
