Silami issiaviit qalipaqqinneqassasut
Nuummi silami issiaviit aappaluttumik qaqortumillu meeqqanit qalipanneqarput.
Kommuneqarfik Sermersuup aasaanerani sammisaqartitsineranut ilaatillugu meeqqat issiavinnik qalipaapput, ullullu marluk qalipaareermata kommunip suliniut taamaatiinnarpaa.
Peqataasut ikippallaarnerat, qalipaanerillu kommunip kissaatigisaatut naammassineqannginnerat, taamaatitsinermut pissutaasoq, Kommuneqarfik Sermersuup attaveqaqatigiinnermut pisortaa Lars Damkjær KNR-imut oqarpoq.
Ingerlatsinermut avatangiisinullu immikkoortortaqarfiup issiaviit aasarmanna qalipaqqissavai. Tamatumunnga inersimasunit qalipaasartunit qalipanneqassasut, attaveqaqatigiinnermut pisortaq neriorsuivoq.