Sikup Issittumi aakkiartornera sukkatsikkiartortoq
Taamaassappat immat ukioq 2100-mi 1 meteri sinnerlugu qaffassimassapput. Inuit 44 aamma 66 millionit akornanniittut qarsutsinersuarnit ukiut tamaasa taava eqqorneqartalissapput.
Silap pissusianik ilisimatusartup DMI-meersup Ruth Mottramip tamanna ernummatigaa. Taanna Naalagaaffiit Peqatigiit silap pissusia pillugu ataatsimiittartoqatigiivisa nalunaarusiaanni suleqataavoq.
- Sikup qanoq sukkatigisumik aakkiartornerata kingunerisassai itinerusumik ilisimaqarfiginnginnatsigu ajornartorsiutaavoq, immallu qanoq qaffatsigisinnaanerat aamma eqqarsaatigalugu, Ruth Mottram DR-imut oqarpoq.
Immap sikuata Sermersuullu aakkiartornerat 1990-imili sukkatsikkiartuinnarpoq, taamanikkuunniillu arfineq-marloriaammik sukkanerulluni.
Issittumi nunarsuup sinneranut naleqqqiullugu ataatsimut isigalugu aamma kiatsikkiartorneruvoq, tamaani 2,4-riaammik sukkanerusumik kiatsikkiartorluni.