Shellip Issittumi qillerisinnaanera qanilliallanneqarpoq
Uuliasiortitseqatigiiffiup Shellip immani issittumiittuni uuliamik ujaasilluni qillerisinnaanissaa maanna qanilliallanneqarpoq.
Uuliamik maqisoortoqassagaluarpat, uuliasiortitseqatigiiffiup saliinissamut pilersaarutai, Amerikami eqqartuussiviup, Amerikami nunami namminermi ministeeriaqarfiup ataaniittup, sapaatip akunnerani matumani akuerai.
Ualerngup imartaani aamma Chucktiit imartaanni uuliamik ujaasilluni qillerinissamik pilersaarutit pineqarput.
Aamma atuaruk Greenpeace: Shellip issittumi uuliasiornermini isumannaallisaaneq suusupagigaa
Ualerngup imartaani aamma Chucktiit imartaani Shellip uuliamik ujaasilluni qillerinissamik pilersaarutai unitsinniarlugit, avatangiisinik illersuiniaqatigiit arlallit Shell taassumalu saliinissamut pilersaarutai eqqartuussivimmut suliassanngortippaat.
Shellip pilersaarutai nalinginnaasumik avatangiisinik nalilersuinermut ilaatinneqartariaqanngitsut, eqqartuussivimmi eqqartuussisut isumaqarput, taamaattumillu Shellip pilersaarutaasa unitsinnissaannut pissutissaqanngitsoq oqaatigalugu.