Greenpeace: Shellip issittumi uuliasiornermini isumannaallisaaneq suusupagigaa
Shellip Issittumi uuliasiorluni periusissamsut aaqqissuussaa ajutoorfiusareersoq maanna pinngortitamik mianernartumik ulorianartorsiortitsisutut amerikamiut pisortaannit isornartorsiorneqarpoq. Shellip qilleruteqarfia Kulluk januaarimi saavilluni mallinit eqqakattarineqareerluni Alaskap sineriaani ikkarlippoq. Ingerlatsivik aamma februaarimi nalunaarpoq, issittumi qillerinissaminnut pilersaarutigereeraluakkaminnut piareersimannginnamik 2013-imi pilersaarutit kinguartinneqartut.
USA-mi Nunami Namminermi Pissutsit pillugit naalakkersuisoqarfiannit naliliinermit nalunaarusiaq, Kulluk pillugu kiisalu isumannaallisaanernik suusupaginnissimasutut sakkortuumik isornartorsiuisoq ippassaq saqqummiunneqarpoq.
Jon Burgwald, Greenpeacep issittumi pissutsinut akisussaasuutitaa ajoraluartumik inerniliinernut tupaallanngikkaluarluni ilumikkernerarpoq. Shellip qillerisarnermini isumannaallisaataasussanik unioqqutitsilluni nalunngikkaluarlugu annertuumik ulorianartorsiortitsisimasoq, nalunaarusiami uppernarsarneqarpoq.
"Shellip iliusai uuliasiortut piginnaasaannik takutitsinerupput. Teknologi pitsaanerpaaq sulisullu pikkorinnerpaat iluaqutissarigaluarlugit pakatsisitserujussuarpoq. Tamanna issittumi nunanut aarlerisaarutitut tiguneqartussaangaluarpoq – aamma Danmarkimut Kalaallit Nunaannullu – Issittumilu uuliasiortitsinatik. Taamaanngippat ajunaarnersuaqarnissaanut piffissaq kisimi apeqqutaalissaaq".
Nalunaarusiaq tamarmi uan i atuarneqarsinnaavoq: http://www.doi.gov/news/pressreleases/loader.cfm?csModule=security/getfile&pageid=348469