Sermersooq pisortanik nutaanik atorfinitsitsivoq

Pisortaanertut ungasinngitsukkut toqqarneqarpoq Steffen Ulrik Lynge, kommunillu aningaasaqarnermut ataatsimiititaliaa pisortanik nutaanik sisamanik ippassaani sisamanngornermi atorfinitsitsivoq:

Meeqqanut, ilaqutariinnut, atuarfeqarnermullu ingerlatsivimmi pisortanngorpoq:
Søren Valbak.

Isumaginninnermut, suliffeqarnermut inussutissarsiornermullu ingerlatsivimmi pisortanngorluni: Grethe H. Nielsen.

Aningaasaqarnermut, sulisoqarnermut inuussutissarsiornermullu pisortanngorluni:
Mette Kessel.

Kiisalu tamanut kiffartuussivimmi pisortanngorluni Marie Fleischer.

Pisortanngortunit sisamaasunit pingasut nunatsinni pisortaqarfinni allani misilittagaqareerlutik pisortanngorput.

Taamaalilluni taamaallaat sanarfinermut avatangiisinullu ingerlatsivimmi pisortatut atorfik allagarseeqqinnikkut inuttassarsiuunneqassaaq.

Pisortanngortut aasaanerani sulinngiffeqareerunik pisortaaneq peqatigalugu sulilissapput.