Sermersooq kommunip nunaqarfiini eqqakkanik katersisoq
Pilersaarummut siunnersorti kommunip sanarfinermut avatangiisinullu ingerlatsivianeersoq, Ivan Falck Petersen, oqaluttuarpoq Tiilerilaami assut suliaqarlutik, eqqaavissuarlu aaqqissuussaalluarnerulertoq:
- Suliffeqarfinngorsimavoq eqqagassanik tigooraavik. Eqqagassat tamaasa poortoriarlugit Tasiilamut nassiunneqassapput, pilersaarummut siunnersorti oqarpoq.
AAMMA ATUARUK Eqqagassat illoqarfinni annerni ikuallanneqartalissasut
Pilersaarutip ingerlarngani nunaqarfiit eqqaavissuini/toqqorsiviini kiisalu nunaqarfinni tamanit ornigarneqartuni silamilu annertuumik iluarsaassisoqarpoq. Iluarsaassinerup nalaani kommunimit pigineqartut soorlu puttasut, umiatsialeriviit, amutsiviit pinnguartarfiit allallu iluarsartuunneqarput.
- Nunaqarfik torernerulerpoq. Nunaqarfik siornarnit eqqiluinnerusumik avatangiiseqalerpoq, Ivan Falck Petersen oqarpoq.
Arsuk Tiileqilaarlu annertuumik ukioq kingulleq iluarsaaffigineqarput. Kuummiut Qeqertarsuatsiaallu iluarsaaffigineqalerput ukioq mannalu naammassineqarnissaat pilersaarutigineqarluni.
Isertoq Sermiligaarlu 2019-imi aallartinneqarnissaat naatsorsuutigineqarpoq 2020-imilu naammassineqassallutik, kommuni taama ilisimatitsivoq.
