Ups Namminersorlutik Oqartussat inatsisitaarfimmi erfalasulinngitsoortut

Dannebrogip Inatsisitaarfimmut atatillugu amuneqarnissaa, Namminersorlutik Oqartussani betjentinut ilisimatitsissutigineqanngitsoorsimavoq, naak tamanna Inatsisartut siulittaasoqarfiannit siorna tamanna aalajangerneqaraluartoq.

Allattoq Jonas Fievé

juunip 06-at 2018 17:19

Nutserisoq Mads Lynge

Qallunaat erfalasuat Dannebrog, Inatsisartut naalakkersuisullu ataatsimiittarfiata silataani amuneqartussaagaluarpoq, Nammisorlutilli Oqartussani betjentit tamanna pillugu ilisimatinneqanngitsoorsimapput.

Inatsisitaarfiup ukiut tamaasa juunip ulluisa tallimaanni malunnartinniarneqartalernissaa, Inatsisartut siorna siulittaasoqarfiata nalunaarutigigaluarpaa.

AAMMA ATUARUK Dannebrog vajer foran Inatsisartut på Grundlovsdag

Erfalasutta nunatta inuiattut juunip ulluisa 21-anni ullorsiornerani Danmarkimi oqartussat suliffeqarfiisa silataanni amuneqartalernissaa, Danmarkimi naalakkersuisut siorna aalajangerpaat, Danmarkillu taamaaliortalerniarnera ajunngisaarniarnertut nunatsinnit nalilerneqarluni maanna aamma akiniarneqalerpoq.

Dannebrogip Inatsisitaarfimmut atatillugu Namminersorlutik Oqartussat saavanni ippassaq amuneqanngitsoornera, Naalakkersuisut siulittaasuata naalakkersuisoqarfiani pisortaagallartup Tina Davidsenip ajuusaarutigaa, ajuusaarnartumik puiguisoornertut taallugu.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.