Sea Shepherd Danmark: pisiniarfinnut pisiniaannarsinnaapput
- Niisarnanik nerisaqarnissaq pisariaqartinneqanngilaq, savalimmiormiullu arferup neqaa tamakkerlugu nerineq ajorpaat, Valentina Crast Sea Shepherd Danmarkimi siulittaasut tulliat oqarpoq.
Tamannarpiarlu pillugu suliniaqatigiit isumaqarput Savalimmiuni niisarnamaneq aliikkutassaqarniaannarluni pisartoq.
- Uumasumik nerisariaqanngisamik toqutsineruvoq taamaammat isumaqarpunga naakkittaassusermik takutitsisoq, Valentina Crast oqarpoq.
DR2-milu tusagassiortup akivaa: Savalimmiormiut nerisarpaat
- Ulloq aallartikkukku niisarnanik 250-inik pisaqarlutit kingornalu pisinniarfimmut nioqqutissanik nunanit allaneersunik pisiniarlutit, soorlu papayat, qaqorteqqasut eertallu, taava ilumut nerisaqarniarneq pillugu arfanniarnerua?
Nangipporlu:
- Kalaallit Nunaanni tamanna pisuuppat allarluinnaassagaluarpoq, tassami Kalaallit Nunaanni nerisaqarusullutik piniartarput, Savalimmiunili pisiniarfeqarmat piniarneq pisariaqanngilaq naakkitsaannerullunilu, Valentina Crast nassuiaavoq.