Saxdorphip aalisariutini naalakkat aqumiullu tapersersorpai
Aalisariutini naalakkat aqumiullu atorneqarnerunissaat Inatsisartunit kissaatigineqarnera tunngavigalugu, peqatigiiffimmik taama ittumik pisariaqartitsisoqarsoraa.
Kalaallit aalisariutini naalakkat aqumiullu suliffissaqanngitsut arlaliusut, Saxtorph Didriksen aamma isumaqarpoq.
Taassuma Royal Greenlandimut suliffissarsiornermini pisinnaasani, ilinniarsimasani tuluttullu piginnaasami apeqqusersorneqarnerat nammineq malugisimavaa.
Tamanna tunngavigalugu angallatini naalakkat aqumiullu peqatigiiffimmik aallartitsinissaat pisariaqarsoraa, ullumikkut inuusuttut aqumiunngorniarlutik Nuummi umiartornermik ilinniarfimmi ilinniartut naammassereernermik kingorna ullumikkut aqumiunut atugassarititaasut assiginagit pitsaasuuniassammata.
Taamaattumik Saxtorph Didriksenip peqatigiiffimmik nutaamik pilersitsinissaminut atatillugu suleqatissaminik ujarlerluni aallartilerpoq.
