Savalimmiormiut nammineq erfalasortik atorlugu OL-imut peqataarusuttut
- Suliami uani pingaaruteqartutuaq tassaavoq Savalimmiormiut timersortartuisa timersornerminni sapinngisamik angusaqarluarnissaat, ingerlalluarnissaallu. Savalimmiormiut OL-imut ataatsimiititaliaanni præsidentip tullersortaa Jon Hestoy taama oqarpoq.
Savalimmiormiut timersortartui OL-imut peqataaniarunik Danmarkip erfalasuata ataani inissisimassapput.
Tamanna ilaatigut unammillernartoqarsinnaavoq, Jon Hestoyillu tamanna pillugu oqaatigaa Savalimmiormiut erfalasuat atorlugu inissisimalluni peqataanissaq pingaaruteqartoq:
- Savalimmiormiutut peqataarusuppugut, qallunaat erfalasuat atorlugu peqataarusunngilluinnarpugut, nunatummi allatut imminut isigerusuppugut, Jon Hestoy oqarpoq.
AAMMA ATUARUK OL-ertoqarnissaanut peqataasussaq nersornaaserneqarpoq
Nunat tamalaat OL-imut ataatsimiititaliaannut IOC-mut ilaasortaalernissartik, taamalu OL-imut peqataasalersinnaanissartik, Savalimmiormiut 1975-imili sukataarutigisimavaat.
IOC-mullu ilaasortaalernissaq pillugu Savalimmiormiut nunanit tamalaaneersunik isumaqatissarsiornerat nutaajuvoq, soorlu aamma naalagaaffeqatigiinnerup iluanit tapersersorneqarnissaq qulakkeerneqarsimasoq:
- Danmarkip OL-ataatsimiititaliaata, kunngissaq Frederiup, badmintonertartuusimasullu Poul Erik Højerip, IOC-mi ilaasortaasup, minnerpaamilluunniit tapersersuisinnaanissaat neriuutigaarput, Jon Hestoy oqarpoq.
AAMMA ATUARUK Savalimmiormiut tunngaviusumik inatsisissaq 2018-imi taasissutigissagaat
AAMMA ATUARUK Nunani allamiunut suliassaqarfiup akisussaaffigilernissaa sivisunaarunneqartoq