Qaammataasat qulimiguullit taarsissavaat
Silasiorfik Danmarks Meteorologiske Institut, naalisarlugu DMI ukiut 50-it sinnerlugit Kujataani sikunik nakkutilliisuusimasoq taama nalunaaruteqarpoq.
Sinerissap qanittuani imaatigut angallaffiit timmisartuniit kingornalu qulimiguulinniit Narsarsuarmiit nakkutigineqartaraluarput.
DMI'p Københavnimi silasiorfiani silamik nakkutilliinerit novembarip aallaqqaataaniit qaammataasaniit ingerlanneqartalissapput.
DMI-mi silasiortoq tullersortaasorlu Søren Olufsen naapertorlugu periuseq nutaaq nutaanngitsumiit allaat pitsaanerusassaaq.
Qulimiguulinnut naleqqiullugu qaammataasat arlalitsigut pitsaaquteqarnerupput. Nakkutigisassat sapaatip akunneranut arlaleriarlutik qaammataasat qulaattaraat assersuutigineqarsinnaavoq, aammalu taarsereeraluartoq nuiagaluartorlu qaammataasat paasissutissanik katersisinnaapput.
- Sikunik nakkutilliisut allaat iluliamerngit sikumerngillu angallavissaniittut nalunaarsorsinnaavaat. Taartumi pujortumiluunniit qulimiguullit qangattarsinnaanngiffiini aamma qaammataasat nalunaarsuisinnaasut Søren Olufsen oqarpoq.
DMI'p sinerissap avataani sikorsuarnik nalunaarsuinera 2002-mili qaammataasanit ingerlanneqalerpoq, maannali tassa ukiut 15-it qaangiuttullu sinerissap qanittua taamatut nakkutigineqa
