Saqqami upalungaarsimanermut piareersartoqarpoq
Tassaarsuaqassagaluarpallu illu ataaseq inummit ataatsimit najugaqarfigineqartoq malinnit anguneqarsinnaasoq aarleqqutigineqarpoq. Illut marluk aamma najorneqartartut mallinik anguneqaratarsinnaasut, Avannaata kommuniani upalungaarsimanermi pisortaq Amos Pjetturson oqarpoq.
- Tassa Saqqami misissorpavut upalungaarsimanermi ataatsimiititaliarsuup innersuussutaa killeqarfiliussaq. Tassa immap tininnerpaaffiata ulinnerpaaffiatalu qeqqaninngaanniit qummut 4 meteri. Taanna naatsorsuutigalugu killeqarfiliussaanikoq. Tassaniittut illut misissorpavut. Sorliit sumullu atortuunersut.
AAMMA ATUARUK Saqqarmiut tupaallattut
Malinnit anguneqaratarsinnaasut ilagaat Saqqami qatserutaasivik.
- Qatserutaasivillu aamma massakkut misissorparput allamut nuunneqarnissaa. Qatserinermut atortut taavalu aamma qatserinermi kalerrisaarinermut atortut, Amos Pjetturson oqarpoq.
Taamaattumillu upalungaarsimanissamut pilersaarut Saqqamut Qeqertamullu tunngasoq sananeqarnissaa pigaaruteqartoq taanna oqarpoq.
- Tassa Saqqaq pingaartinnerullugu sanassuarput, taanna ulorianartorsioratarsinnaasutut naliliiffigineqarnikuummat killiliussaqarlunilu, Amos Pjetturson oqarpoq.
AAMMA ATUARUK Qaqqanit sisoortoqarsinnaanera aarlerinaateqartoq uippallernanngilarli
Ataatsimiisitsisuniilli innuttaasut ulluinnarni inooriaaserti pisarnertut ingerlatiinnassagaat innersuutigineqarpoq.
- Kisianni tassa mianersornerussuugut sissap eqqaani massakkut taanna nalunaarusiaq tunngavigalugu, Amos Pjetturson KNR-imut taama oqarpoq.