Sapaatit akunnerata naanerani nalunaaqutaq akunnermik ataatsimik kinguartinneqassaaq
Siuliani saqqummertumi Ittoqqortoormiit nalunaaquttap ingiaqatigiiffianik aalajangersagaq eqqunngitsumik paasissutissiissutigisimagatsigu ajuusaarutigaarput.
Nalunaaqutaq akunnermik ataatsimik kinguarteqqinnissaanut piffissanngorpoq. Sapaatit akunnerata naanerani nuna tamakkingajalluinnarlugu, Danmarkshavn Pituffik Space Base pinnagit, tamanna pissaaq,
Naalakkersuisut tusagassiuutinut nalunaarummi taama allappoq.
Weekendtimi tamanna pissaaq. Arfininngorpat sapaammut unnuap qeqqarpat aqqanermut nalunaaqutaq akunnermik ataatsimik kinguartisssaq.
Ukuit taamaasa
Ukiut taamasa taama pisoqartarpoq, tassa aasaanerani nalunaaqutaq atorunnaarluni oktobarimi sapaat kingulleq nalunaaqutaq nikisinneqartarpoq. Naalakkersuisut tusagassiuutinut nalunaarumminni UTC -1-imiit UTC -2-mut allanngorneqassasoq allapput.
Ukiaanerani nalunaaqutaq aappagu martsip ulluisa 29-ata tungaanut atuutissaaq.
Nunatsinni aasaanerani nalunaaqutaq pillugu Namminersorlutik Oqartussat nalunaarutaat malillugu nalunaaquttap nikisittarnera pisarpoq.
Danmarkshavnimi aamma Pituffimmi (Pituffik Space Base) pinnagit.
Naalagaaffimmi oqartussat attuumassuteqartut Danmarkshavnimut nalunaaquttap ingiaqatigiiffiat aalajangissavaat, ilanngullugu aasaanerani nalunaaqutaq aammalu qaqugu atorneqassanersoq.
Amerikami oqartussat attuumassuteqartut Pituffimmut (Thule Air Base) nalunaaquttap ingiaqatigiiffiat aalajangissavaat, ilanngullugu aasaanerani nalunaaqutaq aammalu qaqugu atorneqassanersoq.