Ullumi Georgienimiut qinersippata EU imaluunniit russit peqatigissaneraat paasinarsissaaq

Georgienimi inatsisartunut qinersinerup inerneri ullumi saqqummiunneqarpata Ruslandimut imaluunniit EU-mut amerlanerussuteqarlutik illersuisut takussutissaqalissapput.

Partii naalakkersuisoqartitsisoq taaguuteqartoq Georgisk Drøm 2012-mili sovjetrepublikkiusimasumi siuttuupput.

Georgienimiut qangaanerusoq EU-mut illersuisui amerlanerussuteqartartut, Georgienip avannaani 90-kkunni avissaartitsiniat pereersullu inatsisartut 150-iusuni isummatigut allanngortoqarpoq.

Georgien 2008-mi russinit isaaaffigineqalermalli avissaartuuttoqarpoq, nunat pineqartut oqartussaasa attaveqatigiinerat kipivoq.

Angutip milliardæriusup Georgienimi pissaaneqarnerpaasut isigineqartup Bidzina Ivanisjvilip partiimik Georgisk Drømimik nakkutilliisuuvoq.

Partii Georgisk Drøm 2012-mi politikkikkut pissaaneqaleqqaarmata EU-mut illersuisui amerlanerugaluarput, russilli ukiut marluk matuma siorna Ukrainemut isaalermata sammivik allanngorpoq.

Nutaarsiassaqartitsiviit inuit isumaannik paasiniaanerminnit partii Georgisk Drøm  ikinnerussuteqalernissaannik ilimasaaripput. 

Nutaarsiassaqartitsiviilli allat Georgisk Drøminut illersuinerusorineqartut inuit isumaannik paasiniaanerminnit Georgisk Drøm ajugaarujussuarnissaannik qularuteqaratik allapput.

Nunarsuarmioqataasut pissangallutik Georgienimiut russinut imaluunniit takorlooruminaassilersumi EU-mut ilaasortanngussanersut malinnaavigaat.

Georgienimi innuttaasut 3,8 millioniupput, qinersisinnaatitaasullu 3,5 milliuniupput.