Russit sorsukkusunngitsut Georgiamut qimaasut

- Sorsugiartitaannginniassagama avatikka nalloriaannaavakka, angut Georgiamukartoq oqarpoq.
Finlandip, Ruslandimut 1300 kilometeritut isorartutigisumik killeqarfeqartup, taassuma saniatigut oqaatigaa Ruslandimit Finlandimut angallanneq annertusisimasoq, aqussinnaanerarluguli. Assi © : Staff/Reuters/Ritzau Scanpix
Allattoq Ritzau
septembarip 23-at 2022 11:53
Nutserisoq Mads Lynge

Ruslandip Georgiamut killeqarfiata nalaani inuit siuleriiaartut imaaginnavipput, angutimmi amerlasoorpassuit Ukrainemi sorsuttoqarneranukartinneqarnissartik pinngitsoortinniarlugu Ruslandimit qimaapput.

Angutilli sorsussinnaasuni qimaasut amerlanerannik oqassalluni ingasaassinerusoq, Ruslandimi oqartussat oqaatigaat.

AAMMA ATUARUK Russit innuttaasunik naqisimanninnerulerput

Ruslandilli Georgiamut killeqarfiata nalaani biiilit siuleriiaartut sisamanngornermi amerlaqaat, taakkunannga amerlasuut tassaapput angutit sorsussinnaasut, Ukrainemullu sorsugiartitaanissartik pinngitsoortinniarlugu qimaasut. Tuluit nutaarsiassaqartitsiviat BBC taama allappoq.

Finlandip, Ruslandimut 1300 kilometeritut isorartutigisumik killeqarfeqartup, taassuma saniatigut oqaatigaa Ruslandimit Finlandimut angallanneq annertusisimasoq, aqussinnaanerarluguli.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk