Samuelsen Issittoq pillugu ataatsimeersuarialersoq
Ataatsimeersuarneq 'International Arctic Forum' Sankt Petersborgimi ingerlanneqassaaq.
Ruslandip præsidentia Vladimir Putin peqataassaaq, Putinnip ilaatigut Islandimit, Finlandimit, Norgemit Sverigemiillu præsidentit statsministerillu aamma ataatsimeeqatigissamaarpai.
Nunanut allanut ministeri Anders Samuelsen oqallittoqalerpat Ruslandimit Norgemiillu siuttut oqalliseqatigissavai.
Issittumi suleqatigiinneq ilaatigut oqaluuserineqassaaq.
AAMMA ATUARUK Aleqap Samuelsen Issittumut pillugu arajutsisaqarnerarlugu isornartorsioraa
Samuelsenip Islandimiut præsidentiat Gudni Thorlacius Johannesson, Finlandimiut præsidentiat, Sauli Niinistö, Norgemiut ministeriunerat Erna Solberg kiisalu Svegerimiut ministeriunerat Stefan Lofven aamma ataatsimeeqatigissavai.
Oqallinnissaq qulequtserneqarpoq 'The Arctic: A Region of Rivalry or Cooperation'.
Oqalligineqartussallu ilaatigut tassaapput suleqatigiinneq aamma Issittumi akerleriissuteqartoqarneranik millisaanissaq. Aammattaaq Issittumi soqutigisarpassuit, soorlu pinngortitami pisuussuteqarpassuit, assartuussinissaamut aqqutissat nutaat nunallu pissaanilissuirt akornanni sakkutooqarnikkut pingaarutilimmik inissisimaneq oqaluuserineqassapput.