Saammaateqatigiinnissamut isumalioqatigiissitamit nalunaarusiaq siulleq saqqummiunneqarpoq.
Suliaqarnermi pingaaruteqartunut ilaasoq tassaavoq Kalaallit Nunaanni Saammaateqatigiinnissamut isumalioqatigiissitap suliaqarnermut akuutitsinermi, innuttaasut suliap ingerlaneranik paasinnitsinnissaat piginneqataatilernissaallu.
Taamaattumik innuttaasut pissutsinut assigiinngitsunut isiginnittaasiat pingaarnertigut paasisimalerniarlugu, isumalioqatigiissitap oqaluttuanik katersineq aammalu innuttaasut oqaloqatiginissaat aallartilluarpaat.
Aamma atuaruk Allaatigisaq: Kalaallit Nunaat ilumut nunasiaataasimavoq
- Taamaalilluni ilisimasani isumalioqatigiissitamit katersorneqartuni innuttaasut namminneerlutik misilittagaat, eqqaamasaat aammalu maannakkut misigisartagaat aallaavigineqassapput, tamatumunnga ingiaqatigitillugu suliatigut oqaluttuarisaanikkut aamma inuiaqatigiilerinikkut misissuinerit suliarineqassallutik, isumalioqatigiissitaq sinnerlugu Jens Henrich taama oqarpoq.
Tunngaviusumik inatsisip 1953-mi allanngortinneqarnissaata tungaanut Kalaallit Nunaat nunasiaataavoq. Tunngaviusumik inatsit 1953-mi allanngortineqarmat Kalaallit Nunaat naalagaaffeqatigiiffiup ilaattut inissisimalerpoq.
Aamma atuaruk ilisiimatusarfimmi Lektori: Saammaateqatigiinnissamut isumalioqatigiissitaq "tissisaarutaannaavoq"
Kalaallit Nunaat ukiut 50it sinnerlugit matuma siornatigut nunasiaataasimavoq, nunasiaataasimanerullu nalaanni eqqarsartariaatsit inuiaqatigiinni ineriartornermut annertuumik sunniuteqarlutik, Jens Heinrich saammateqatigiinnissamut isumalioqatigiissitami ilaasortaq taama oqarpoq.
