Saamerliit CIA pillugu misissueqqilersaanngillat
Partiit siuttui pingaasuut takkua nunanut allanut polikkertik aviisimi Politikenimi ullumi saqqummiuppaat, taaguuteqartillugu, akisussaassusilimmik iliuuseqartumillu nunanut allanut politikkeqarneq.
Tigusanik timmisartuussisoqartarneranik arlaannaannulluunnit attuumassuteqanngitsunit misissuisoqarnisamik illuatungiliuttut arlaleriarlutik Danmarkimi naalakkersuisunut piumasaqartarsimagaluarput. Tamanna pivoq, naalakkersuisut namminneq misissuisitaasa qulakkeerlugu oqaatigimmassuk, CIA timmisartut atorlugit tigusanik ilaasoqarluni unioqqutitsilluni danskit kalaallillu silaannartaatigut timmisartuussisoqartarsimanersoq paasissutissiissutigineqarsinnaanngitsoq.
Partiit taakkua pingasut Danmarkimi naalakkersuisunngortitsissagunik, Irakimi sorsunnersunnermi aamma Afghanistanimi sorsuttoqarnerani danskit tigusarinninnermik kingorna amerikamiunut tunniussisimanerannik missuissussamik kommissioniliortoqarnissamik pilersaaruteqarput.
- Misissuisitsinerit ikittuinnaat kissaatigivagut. Tulleriaarisariaqarpugut. Akiniaarpalaartumik iliuuseqarnissamik kissaateqanngilagut, naalakkersuisut nutaat qanga pereersunut akerliorpalaartumik atorfissaqartitsinngillat.
- Danmarkip mississuisarfissuanngortinneqarnissaanut pisariaqartitsinngilagut, Villy Søvndahl aviisimi Politikenimi apersorneqarluni taamatut oqarpoq.