VIDEO Isumannaatsumik qummoroortartornissannut piareersimavit?

Ukiortaangajalerpoq qummoroortartortoqartussaassalluniluaasiit. Qummoroortartulli ulorianarsinnaasut eqqaamaneqaqquneqarpoq.

- Qummoroortaatit kusanartorsuugaluarput, kisianni aamma navianartorujussuusinnaapput, Qaasuitsup Kommuniani upalungaarsimanermut pisortap tullia Daavi Løvstrøm taama oqarpoq.

Aamma Sermersuumi peqqinnissaqarfimmi peqqissaasut pisortaat Inuuti Fleischer sianiginneqqusivoq. Qummoroortartortoqartartillugumi uunerit napparsimmavimmi takussaasarput.

- Kisianni ajornerpaaffianni isikkut innarlersimanerit aamma takuneqartarput, Inuuti Fleischer taama oqarpoq, illersuutinillu isarussanik atuisoqarnissaanik kaammattuilluni.

Daavi Løvstrumittaaq taama kaammattuivoq. Aamma qummoroortartut illup iluani aallartitsisoqassanngitsoq orsersorfiit ikuallassinnaasullu allat eqqaanni qummoroortartortoqarnaveersaarnissaanik kaammattuuteqarpoq.

- Aallanngitsoortut uterfigeqqinnginnissaat innersuussutigissavarput, Daavi Løvstrum oqarpoq.

Taamatut kaammattuuteqartarneq tusarneqaqattaartaraluartoq uteqqinnissaat pingaaruteqarpoq.

- Pinngilaataani taamatut paasissutissanik saqqummiussillattaarnerit iluaqutaasimasoraara, Qummoroortartunit ajoqusernerit ukiuni kingullerni ikiliartorneri pillugit Sermersuumi peqqinnissaqarfimmi peqqissaasut pisortaat Inuuti Fleischer oqarpoq.

Illoqarfinni arlalinni sakkortuumik anorlernissaa ilimasaarutigineqarpoq, qummoroortartunillu aallartitsinnginnermi anori sumut samminersoq eqqumaffiginiarneqarnissaa Inuuti Flerischerimit kaammattuutigineqarpoq. Qanoq isumannaatsumik qummoroortartortoqartarnersoq Kommuneqarfik Sermersuumi upalungaarsimanissamut pisortaq, Knud Petersen aperaarput.

Taassumalu akissutaa allaaserisap qulaani videomi takusinnaavat.