Nipisat MSC-mik meqqeqalerput
- Nipisanniarnerup MSC-mik meqqeqalernera suannik tuniniaanitsinnut pingaarutilerujussuuvoq, tassami tunisassiassat Kalaallit Nunaanni nungusaataanngitsumik tunisassiornermeersutut uppernarsaatissaqartinneqalermata, Royal Greenlandimi tunisassialerinermi pisortaq, Lise-Lotte Callesøe York oqarpoq.
Aamma atuaruk Aalisakkat amerlanerusut MSC-mik nalunaaqutsigaanissaat kalaallit kissaatigaat
Nipisaat MSC-mik meqqeqalerneri KNAPK-mit aamma nuannaarutigineqarpoq.
- Aalisartut kattuffianniit nuanaarutigeqaarput, nipisaat MSC-mik meqqeqalernissaannik akuersititsiniaalluni suliniuteqarneq maanna kinguneqarluarmat. Tassami taamaaliornermi kalaallit tunisassiaasa niuffaffinnut iluanaaruteqarfiunerusinnaasunut aqqutissiuunneqarnerat qularnaarneqarpoq. Aamma kingumut uppernarsarneqarpoq, Kalaallit Nunaanni aalisarneq nungusaataanngitsumik ingerlanneqarmat, Tønnes Berthelsen KNAPK-meersoq taama oqarpoq.
Aamma atuaruk Killeqanngitsumik nipisanniarneq oqaluttuaannanngussaaq
Naak nipisaat maanna MSC-mik meqqeqaleraluartut, taamaattoq akuersissutip pigiinnarnissaanut eqqartugassat arlallit suli suliniutiginiarneqartussaapput, pingaartumik aalisarnermi ingerlatsinissatigut aamma timmissanik uumasunillu miluumasunik pisarisuugaqartarnermut tunngasunik pitsaanerusumik nalunaarsuisalernissap tungaa eqqarsaatigalugu.
MSC-imik meqqiliineq ukioq manna tunisassianuinnaq atuuppoq, taamaattumik suli sulissutigineqarpoq.
Kitaani raajat 2013-imi MSC-imik meqqilerneqarput.