USA: Russit timmisartuata malersuutip sakkutuutta droniat nakkartippaa
Amerikamiut sakkutuuisa timmisartuaraataat ungasianit aqunneqartartoq russit timmisartuanit malersuummit imartamut Sortehavemut nakkartinneqarpoq.
Amerikamiut sakkutooqarfiat taamaaliortoqarsorigaat, nutaarsiassaqartitsivik Reuters allappoq.
Timmisartuaraq inuttaqanngitsoq uangasianit aqunneqartartoq timmisartuaqqatut angitigisoq, russit timmisartuanit malersuummit eqqorneqarnermi kingorna nakkarpoq.
Timmisartuaraq ungasianit aqunneqartartoq taaguuteqartinneqarpoq MQ-9 reaper, taanna qutsissorujussuarmi sivisuumik nakkutilliinermut naleqqussarlugu ilusilersugaallunilu sanaajuvoq.
Timmisartuaqqat inuttaqanngitsut taakku aamma saassussinissammut amerikamiunit atorneqartarput.
Timmisartuaraq ungasianit aqunneqartartup nakkartinneqarneranut oqarneq ruslandimit ilumuunnginnerarneqarpoq.
Timmmisartuaqqap inuttaqanngitsup nassitsissutaasa ikumasimannginneri paasiniarlugit russit timmisartuat malersuut aallartinneqarsimasoq, russit illersornissamut ministereqarfianneersut oqarput.
