Ruslandip USA-lu isumaqatigiissutertik atorunnaarsikkaa

Ruslandip præsidentiata Vladimir Putinip Ruslandimut innuttaasunut akunnerni marlungajanni ippassaq marlunngornermi oqalugiarami oqaatigereerpaa.

Ruslandimilu inatsisartut maanna atuuttussanngortippaat, tassa Ruslandip atomimik qaartartorsuarnik ikilisaasoqarnissaanut USA-mik isumaqatigiissusiamit atuukkunnaarallartitsinissaanik Putinip oqarnera Ruslandimi inatsisartuni taasissutigineqarmat amerlanerussuteqartut maanna akuersissutigaat.

Atomimik qaartartorsuarnik ikilisaasoqarnissaanut Ruslandip USA-mik isumaqatigiissusiaa 2010-mi atsioqatigiissutigineqarpoq. Nutaarsiassaqartitsivik Reuters taama allaaserisaqarpoq.

Ruslandip isumaqatigiissummut ilaanera Ruslandimi inatsisartut aappaanni Føderationsrådimi aamma taasissutigineqassaaq, tamatumalu ullumi pingasunngornermi pinissaa naatsorsuutigineqarluni.

Isumaqatigiissutip atorunnaarsinnissaanik aalajangerneq Ruslandimiit oqarnerat naapertorlugu USA illersornissamillu suleqatigiiffik NATO Ruslandimut sorsullutik teknikkikkut aalajangernerannut qisuariarneruvoq.

Ruslandimi præsidentiusimasoq Dmitrij Medvedev, Ruslandimilu isumannaallisaanermut ataatsimiititaliami maanna siulittaasup tullia, taama oqarpoq.