VIDEO Ruslandip piumasaqaataa Naalakkersuisut tusaatissatut tiguaat
![](/sites/default/files/styles/image_934x467/public/oembed_thumbnails/2022-12/4VRDlrADBsH3iE-UDbIXGIp2MB9rOyf4houeGLwCowA.jpg?itok=UieJR7hP)
Qalasersuaq nunanut sorlernut atanersoq pillugu naalagaaffiit peqatigiinni isumalioqatigiissitap aalajangigassarissagaa nunanut allanut naalakkersuisup Vittus Qujaukitsup erseqqissaatigaa.
- Naalakkersuisuniit isummersuutinik nutaanik isummersuutinik peqanngilagut kisianni tusaatissatut tiguinnassavarput taamatut Russit piumasaqaatiminnik allilerisimanerat maluginiaratsigut, Vittus Qujaukitsoq oqarpoq.
Aamma atuaruk Ruslandip Qalasersuarmik piumasaqaataa Canadamiut suli qisuariarfiginngilaat
Qalasersuup imartaa Ruslandimit, Canadamit USA-miillu siornatigut piumasarineqareersoq, soorlu Norgep Qalasersuup imartaata ilaanik piginnittuunini aamma suaarutiginikuugaa, Russit piginnittuujumallutik ataasinngormat nalunaaqqipput.
Qalasersuulli killeqarfii nunanut sorlernut atasuunersut pillugit naalagaaffiit peqatigiinni isumalioqatigiisitap aalajangersagassarilerpaa, Vittus Qujaukitsoq KNR-imut oqarpoq.
Aamma atuaruk Danskit tusagassiorfii: Russit piumasaqaataat Danmarkimut nalunaarnertut isigisassaavoq
Ruslandip piumasaqaataa akuerineqassappat, Ruslandi 1,2 millionit kvadratkilometerinik annertunerulissaaq.
Killeqarfik pineqartoq Oliaqarluarnissaanik gasseqarnissaanik guldteqarnissaanik nikkileqarluarnissaanillu ilimagineqarpoq.