Assi: Googlemaps

Danskit tusagassiorfii: Russit piumasaqaataat Danmarkimut nalunaarnertut isigisassaavoq

Ruslandip Issittoq tiguarniarsaraa, danskit naalagaaffiat nangaarpalulluni uninngaannartoq. Danmarkimi tusagassiorfiit ilaat ullumi taama allaaserisaqarput.

Russit sakkutooqarnikkut naliliisartuata arlaannaanulluunniit attuumanngitsup, Aleksandr Goltsip, aviisimut Dagbladet Informationimut oqaatigaa Ruslandip Qalasersuarmik piginnittuulernissamik piumasaqaataa nunap Issittumi sakkutooqarnikkut maannakkorpiaq annertusaaneranut tunngassuteqartoq. Tamannalu ilaatigut Ruslandip issittumut sineriaani arlalinnik sakkutooqarfiliornikkut pivoq.

Aleksandr Golts naapertorlugu præsident Putin isumaqarpoq 'Ruslandip siunissami pisuussutissai tamarmik Issittumi nassaassaasut'.

AAMMA ATUARUK Rusland: Issittoq pillugu suliami nunat pineqartut suleqatigiipput

Aviisimilu Berlingskemi Københavnimi illersornissamut akademimi issittumi pissutsinik ilisimatusartup Johannes Riber Nordbyp oqaatigaa, Danmark Issittumi illersornissakkut suliaminik annertusaasariaqartoq, Ruslandip Issittumi piumasaaqaataata suliarineqarnissaa kalaallit danskillu piumasaqaataasa suliarineqarnissaa sioqqullugu suliarineqartussaarpasimmat.

- Ruslandip Kalaallit Nunaannik issittullu ilaanik Danmarkip piginnittuuffigisamisut isigisaanik timmisartunik qulaavaalernissaa Danmarkip piareersimaffigisariaqarpaa. Danmarkimmi issittup ilaani assortuussutaasunik piumasaqaatiminik akuerineqarusukkuni tamanna isiginngitsuusaaginnarsinnaanngilaa, Johannes Riber Nordby taama oqarpoq.

Danskit nunanut allanut tunngasunut ministererisimasaata Uffe Ellemann-Jensenip aamma taamatut ernumassuteqarnini aviisip Berlingskep nittartagaani isummersortarfimmini allaaseraa:

- Oqaatigilluaannarlugu: Danskit issittup ilaanik piumasaqaateqarnera minnerpaamilluunniit ataqqineqassappat, taava Siriusip alaperaarsuisui ikitsuinnaasut umiarsuillu alapernaarsuutit Knud Rasmussenitut ittut marlussuinnaasut kisiisa atornagit Danmarkip issittumiinnini annertusartariaqarpaa, taama allappoq.

AAMMA ATUARUK Greenpeace russit piumasaaqaat pillugu: Silaaruttutut salliuniarnermut alloriarnerussaaq

AAMMA ATUARUK Issittup imartaanik piginnittuulernissamik Rusland piumasaqaateqartoq

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat