Issittup imartaanik piginnittuulernissamik Rusland piumasaqaateqartoq

Soorlu Danmark Qalasersuup imartaata ilaanik piginnittussaanini qangalili sulissutigisimagaa, Qalasersuup imartaata ilaanik piginnittuunini Ruslandip maanna piumasarilerpaa. Qalasersuup tungaanut imartamik pineqartumik piginnittussaanini Danmarkip pisortatigoortumik siorna 2014-imi aamma nalunaarutigaa.
Allattoq Karsten Sommer
aggustip 04-at 2015 10:00
Nutserisoq Mads Lynge

Nutaarsiassaqartitsivik Barents Observer taama allaaserisaqarpoq.

Immap naqqani quassummik Lomonosovimik piginnittuunertik Danmarkip Ruslandillu siornatigut oqaatiginikuuaat. Quassuk taanna 1800 kilometerinik isorartussuseqarpoq, nunallu toqqavianut ilaalluni.

Immap naqqani quassummik pineqartumik piginnittuunini, Ruslandip Naalagaaffiit Peqatigiit tamanna pillugu aalajangiisartuinut ippassaq aggustip ulluisa pingajuanni nalunaarutigaa, maannalu tamanna tassa aalajangiivigineqartussanngorluni.

AAMMA ATUARUK Issittup imartaanik piginnittuulernissamik Danmark piumasaqaateqartoq

Ruslandip piumasarisaa ilalerneqassappat Ruslandip pigisai 1,2 millionit kvadratkilometerinik ilassapput. Immap naqqata pineqartup uuliaqarluarlunilu gassimik qalluiffiusinnaanissaa ilimagineqarpoq, soorlu aamma kuultimik nikkelimillu nassaarfiusinnaanissaa ilimagineqartoq. Barents Observer taama ullumi allaaserisaqarpoq.