Rusland: Ruslandip Krimillu akornanniittoq ikaartarfik Ukrainemit saassunneqarpoq

Ruslandip Krimillu qeqertaasaata akornanniittoq ikaartarfik Ukrainemit saassunneqartoq, russit isertortumik paasiniaasartuisa oqaatigaat.

Timmisartuaqqat inuttaqanngitsut atorlugit saassussineq peqqarniisaarnertut taaneqarpoq.

Russit peqqarniisaarnermut akiuiniaqatigiiffiata saassussineq ukrainemiut isertortumik paasiniaasartuinit akisussaafigineqartoq oqaatigaat.

Saassussineq ataasinngornermi ullaakkut pivoq, inuillu marluk toqusimasutut nalunaarutigineqarput.

Ruslandip Krimillu qeqertaasaata akornaninni aqqusineq ikaartarfimmut Kertsjimut atasoq qaartinneqarsimasoq equngasorlu videot sumiiffimmi tusagassiorfimmit ingerlaartinneqartut takutippaa.

- Kyivimi naakakkersuisut ullumi saassussipput, naalakkersuisut taakku peqqarniisaarniaqatigiiuppput nunarsuaq tamakkerlugu suleqatigiit, russit nunanut allanut tunngasunut oqaaseqartartuaq Maria Zakharova oqarpoq nangillunilu.

- Ukrainemiut atorfilittaat amerikamiunit tuluillu isertortumik paasiniaasartuinik politikeriinillu peqateqarlutik taama aajalangerput akisussaasuussutillu.

Ikaartarfik qanoq aseruatitertigisimanersoq maannamut suli ilisimaneqanngilaq.

Ikaartarfik Kertsj 2014-mi russit Krimip qeqertaasaanik tiguaammata pilersinneqarpoq, russillu Ukrainemi sakkutuuminnut pilersuinerannut pingaaruteqarluni.

Ikaartarfik ukioq kingulleq qaartinneqarpoq ikuallatsinneqarlunilu.