Ruslandip karrit pillugit Ukrainemik isumaqatigiissutini atorunnaarsikkaa
Nunat taakku marluk, tassa Ukrainep Ruslandillu sorsuunneranni nunarsuup sinneranut karrinik tunisassiorneq qulakkeerniarlugu ukioq kingulleq aasakkut sivisuumik isumaqatigiinniartoqarpoq, naggataagut iluatsittumik. Isumaqatigiissut taanna kingorna arlaleriarlugu sivitsorneqarpoq.
Maannali sivitsorneqassanngitsoq, Ruslandip præsidentiata Vladimir Putinip oqaaseqartartua Dmitrij Peskov nalunaarpoq.
Ukrainemi sorsunnerup nunat taakku karrinik nunarsuup sinneranut tunisassiornerat unitsippaa, kingornalu karrit akii nunarsuarmi qaffarunjussuarput.
Tamannalu nunanit piitsunit annermik malugineqarpoq.