Ukrainep pilersitai nalillit tamakkiisut pingajorarterutingajammik annikilleriartut
Ukraine Ruslandimit siorna saassunneqarmalli nunami tassani naalagaaffiup tunisai ataatsimut nalingat 29,1 procentinik siorna appariaateqarput.
Assersuutigalugu Ukrainemi tunisat ataatsimut nalingat 2021-mi 3,4 procentinik qaffariaateqarpoq.
Allattoq Ritzau
apriilip 13-at 2023 13:51
Nutserisoq Mads Lynge
Ukraine Ruslandimit siorna saassunneqarmalli nunap taassuma pilersitai nalillit tamakkiisut pingajorarterutingajammik annikilleriarput.
Ukrainemi naatsorsueqqissaartarfiata kisitsisaataani tamanna takuneqarsinnaavoq.
Nunap aningaasaqarnera nunap tunisaasa ataatsimut nalinganni takussutissaasarpoq. Nunap aningaasarsiornera pitsanngoriartornersoq ajorsiartornersorluunniiit tassani takuneqarsinnaavoq.
Ukrainemi naalagaaffiup tunisai ataatsimut nalingat 29,1 procentinik siorna appariaateqarput.
Assersuutigalugu Ukrainemi tunisat ataatsimut nalingat 2021-mi 3,4 procentinik qaffariaateqarpoq.
