Ruslandip illersornissamut ukiorpassuarni ministeria allamik taarserneqartoq
![](/sites/default/files/styles/image_934x467/public/2024-05/20240509-123938-L-1920x1265we.jpg?itok=ws1IMJiR)
Ruslandimi naalakkersuisunut ilaasortani allannguisoqarumaartoq, Ruslandip præsidentiata Vladimir Putinip sapaammi unnukkut nalunaarutigaa.
Illersornissamut ministeri allamik taarserneqarpoq.
Ruslandimi illersornissamut ukiuni kingullerni aqqaneq-marlunni ministeriusoq, Sergej Sjojgu, taarserneqartunut ilaavoq.
Ruslandip præsidentiata allattoqarfia taama ilisimatitsisoq, nutaarsiasssaqartitsivik Reuters allappoq.
Ministeriunerup tullersortaatut maannamut inissisimasoq, Andrej Belousov, illersornissamut ministerinngussaaq.
Rusland 1980-ikkunni Sovjetunioniusimasumi pissutsinut utersaaleriartortoq, Putin oqaaseqartittagaa Dmitrij Peskovip oqarpoq.
lllersornissaqarfik eqqartuussiveqarfiillu naalagaaffiup aningaasartuutaasa 7,4 procentiinik aningaasartuutaasut, nutaarsiassaqartitsivik Reuters allappoq.
Aningaasartuutit tamakku nunap ataatsimut isigalugu soqutigisaanut naapertuunnissaat pingaartoq, Peskov oqarpoq.