Ruslandip Folketingimut qinersinissamut sunniiniarsarinissaa ilimanaateqarpallaanngitsoq
Nunat allat qinersinerni sunniiniarsarisinnaanissaannut aarlerinaatit FE-p saqqummiuteqqammerpai.
FE-lli naliiinerata aamma takutippaa Rusland Folketingimut qinersinissamut sunniiniarsarinissamut aamma piginnaaneqarluartoq.
- Naak Folketingimut qinersinissamut sunniiniarsarisoqarnissaanut aarlerinaatit annikitsuinnartut nalileraluarivut, aarlerinaatit ilumooruttariaqarivut piareersimaffigisariaqarivullu ilisimavarput, aamma Danmarkimi, FE-p qullersaa Lars Findsen oqarpoq.
AAMMA ATUARUK Nunarput internetti atorlugu kilitsissiaqarnermit aarlerinartorsiortoq
Rusland Danmarkimi qinersinermut akuliulluni sunniiniarsarippat tamanna Ruslandimut iluaquteqarnissaa ilimanarpallaanngitsoq FE-p nalilerpaa, Ruslandillu avataanit isigineqarnerata innarlerneqarneruinnarnissaa nalilerneqarluni.
Ruslandilli Europa-parlamentimut qinersinermut atatillugu nunanik allanik sunniiniarsarisinnaanissaa Danmarkimut naleqqiullugu annertunerusoq FE-p aamma nalilerpaa, nunammi allat Ruslandimit sunnerniarneqarsinnaanissaat ilimanaateqarnerusutut FE-mit nalilerneqarmat.
AAMMA ATUARUK Rusland afviser nye anklager om at blande sig i USA's valg
Folketingimut Europa-parlamentimullu qinersinissat ataatsikkut pisinnaanissaat FE-mit aamma ilimagineqarmat, Danmarkimi qinersisartut Frankrigimi Tysklandimilu qinersisartunik sunniiniarsarisoqarnissaanut kalluarneqarsinnaasut FE-p ilimagaa.
Europa-parlamentimut kingusinnerpaamik sapaammi maajip ulluisa 26-anni qinersisoqartussaavoq, Folketingimullu kingusinnerpaamik juunip ulluisa 17-ianni qinersisoqartussaalluni.