Rusland USA-mi qinersinermut akuliussimannginnerartoq
Immikkut ilisimasallit namminersortut nalunaarusiortuupput. Taakku USA-p kongressiani senatorinit partiinit marlunneersunit ataasinngornermi tamanut saqqummersinneqarput.
Ruslandip qinersinermut akuliunnerata annertussusia ilimagisamit annerusoq, nalunaarusiani erseqqissaatigineqarpoq. Tamanna nittartakkatigut attaveqaqatigiittarfitsigut Facebookikkut, Youtubekkut Twitterikkullu pivoq.
AAMMA ATUARUK Rusland Tysklandimut qarasaasiakkut saassusseqqittoq
USA-mi inuiaqatigiinni akerleriissuteqarnermut Rusland pisuutinniarsarineqartoq, russit præsidentiata oqaaseqartartuata, Dmitrij Peskovip, oqaatigaa.
- Russit naalakkersuisui qinersinermut akuliutinngillat, Perskov oqarpoq.
Rusland ammip qalipaataanik assigiinngitsinermik annertusaaniarsimasutut isummanillu ingasattajaartunik siuarsaaniarsimasutut nalunaarusiani nutaani pisuutinneqarpoq.
AAMMA ATUARUK USA-mut isumaqatigiissut nunatsinnut iluaqutaasinnaasoq
Nittartakkatigut attaveqaqatigiittarfinnik atuisut allaasuusaartut amerikamiunut taartunik amilinnut eqqunngitsumik paasissutissiiniarnermut sammitinneqartoq, nalunaarusiani nutaani allassimavoq.
Piviusunik piviusuunngitsunillu immikkoortitsisinnaajunnarsitsinikkut Donald Trumpip qinersinermi ajugaanissaa siunertaralugu russit sunniiniarsimapput.
Taartumik amillit qinersiartunnginnissaat siunertaralugu akornanni aamma kamassaqalersitsiniartoqarpoq.
