USA-mut isumaqatigiissut nunatsinnut iluaqutaasinnaasoq

Nunat pissaanilissuit Issittumut soqutiginninnerat USA-p nunarsuup immikkoortuani suliaqarnerminik annertusiiniarneranik Kalaallit Nunaannullu iluaqutaasinnaasumik kinguneqarpoq. Illersornissaq pillugu ilisimatusarfimmi lektori, Jon Rahbek-Clemmensen taama naliliivoq.
Allattoq Anton Gundersen Lihn
septembarip 19-at 2018 10:50
Nutserisoq Connie Fontain

Amerikamiut illersornissaqarfiata nunatsinni mittarfinnut tunngatillugu aningaasaliialersaarnertik  ataasinngormat tamanut saqqummiuppaa.

Russit issittumi sakkutooqarnikkut aningaasaliingaatsiaqattaarnerisa kingunerisaanik USA-p Issittumi inissisimalluarnissaminik qulakkeerisariaqarneranut takussutissaasinnaavoq, Jon Rahbek-Clemmensen oqarpoq.
 
- Tamanna USA-p akilluni iliuuseqarneratut isigineqarsinnaakutsoorpoq. USA ima paasinnileramik: "Kalaallit Nunaanni Atlantikullu avannarpasissuani isigineqarnerput pitsaavallarunnaarsimavoq, taamaammat Kalaallit Nunaanniiinnerunissarput pisariaqartipparput, taamaammallu taamatut aningaasaliinissarput pisariaqartipparput.

AAMMA ATUARUK USA-p nunatsinni mittarfinnut aningaasalersuinissamut periarfissat misissorniarai

Amerikamiunut isumaqatigiissutaasinnaasoq Kalaallit Nunaannut aamma iluaqutissartaqarpoq.

- Tamannami kalaallit Naalakkersuisuinut iluaqutaassaaq, imaassinnaammat mittarfiit nutaat sanaartorneqarnerinut aningaasartuutit ilaat amerikamiunit akilersinneqarsinnaasut. Isumaqatigiinniarnernilu, immaqa piffissami sivisulaami ingerlareersuni, USA-mit allanik aamma pissarsisoqarsinnaassaaq.

AAMMA ATUARUK Naalagaaffeqatigiit nunanut allanut attaveqartarneranni Nunarput iluaqutaasartoq

Danmark nunanut allanut politikkikkut Kalaallit Nunaanni suli oqartussaavoq. Taamaammat Danmarkip ’Nunatsinnik iluaqutigisaqarnermigut’ isumaqatigiissuteqarnermit aamma iluaqutissarsisinnaassasoq, Jon Rahbek-Clemmensen isumaqarpoq.

- USA-p Kalaallit Nunaanni soqutigisaminik qulakkeerninnissaanik Danmarkip ikiuunneratigut aamma Amerikami naalakkersuisut pitsaanerusumik atassuteqarfigineqalersinnaapput, tamannalu immaqa aamma  allatigut iluaqutissarsiffigineqarsinnaalluni.

AAMMA ATUARUK Danskit aningaasaliissuteqarnerat Kinamut tunngassuteqarpoq

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq