Rusland: Putinip partiia Ukrainemi nunap immikkoortuini qinersinermi ajugaavoq
Ruslandip præsidentiata Vladimir Putinip partiia, Forenet Rusland, Ukrainemi nunap immikkoortuini sisamani sapaatit akunnerata naanerani qinersinermi ajugaavoq.
Ruslandip qinersisarnermut ataatsimiititaliaa sapaammi unnukkut taama nalunaarpoq.
Partii Forenet Rusland Ukrainemi nunap immikkoortuini sisamani qinersinermi 70 procentinit ikinnerunngitsunit taaguunneqartoq, qinersinermut ataatsimiititaliap nalunaarutigaa.
Ruslandimi nunap immikkoortuini 21-ni Ruslandillu Ukrainemi tiguarsimasaani Donetskimi, Khersonimi, Luhanskimi Zaporizjzjamilu qinersisoqarpoq.
Ukrainemi nunap immikkoortui taakku Ruslandimit pigineqartut, Ruslandip sorsunnermi oqaatigaa, Ruslandimillu tapersersuisunit maanna aqunneqarlutik. Tamaani innuttaasut taasitinneqarnerisigut pivoq, innuttaaasunilli taasititsinerit nunalli killiisa akuersaarsinnaasimanngilaat.
Sapaatillu akunnerata naanerani qinersineq nunanit tamalaanit aamma akuersaarneqanngilaq.
