Assi: EMJ

Royal Greenland Qasigiannguani innuttaasunik ataatsimiititsilersoq

Qasigiannguani aalisakkerivimmi sulisussaaleqineq, ilaatigut qaleralinnik 2,5 tonsinik igitsiinnartoqartariaqarneranik kinguneqartoq pillugu piffissami kingullermi oqallittoqarnerata kingorna, aalisakkanik suliffeqarfissuaq Qasigiarmiunik oqaloqateqarnialerpoq.

Innuttaasunik ataatsimiititsineq aggustip 26-ani pisussaq, RG-ip Sulisoqarnermi immikkoortortaata, najukkami aalisakkeriviup, SIK-ip kiisalu Qaasuitsup Kommuniata isumaginninnermut suliffissaqartitsinermullu ingerlatsivia suleqatigiillutik aaqqissugarissavaat.

Royal Greenlandip innuttaasunik ataatsimiititsinermi aalisakkerivimmi ajornartorsiutaasunut aaqqiissutissanik tigussaasunik nassaartoqarsinnaanissaa neriuutigaa.

AAMMA ATUARUK Qasigiannguani tunisassiorfiup sulisuisa sinniisaat misissueqqusivoq

 

Suliffissuaq illoqarfimmut pingaaruteqarpoq

- Innuttaasut oqaloqatigerusukkatsigit taamatuttaaq Qasigiannguani tunisassiorfiup illoqarfimmut qanoq pingaaruteqartiginersoq innuttaasullumi tunisassiorfimmut qanoq pingaaruteqartiginersut innuttaasut peqatigalugit eqqartorusukkatsigit Qasigiannguani innuttaasunik ataatsimiisitsiniarpugut.

- Tunisassiorfik tunitsivittut tunisassiorfittullu ingerlaannassappat suliartortitsiniartarnerup ajornakusoornerata sulisussaaleqisarnerullu tungaatigut ajornartorsiutit aaqqinneqassapput, tamatumani suliartortinneqartartut amerlanerusariaqarmata aalajaatsunillu sulisoqarnissaq pisariaqarmat, Svend Larsen Royal Greenlandimi sulisoqarnermi siunnersorti suliffeqarfissuup nittartagaanut taama oqarpoq.

AAMMA ATUARUK Qasigiannguani Royal Greenland sulisussaaleqivoq

AAMMA ATUARUK Qasigiannguit: Sulisussaaleqiffiusumi suliffissaaleqisorpassuit

 

Royal Greenland Academy pilersaarutiginiaraat
Innuttaasunik ataatsimiititsinerup saniatigut RG-p suliffeqarfissuarmi sulinerup qanoq pilerinartiginera takutikkusuppaa. Sulisummi Royal Greenland Academy aqqutigalugu pikkorissarnissaminnut ilinniaqqinnissaminnullu periarfissaqartinneqarput.

- Royal Greenlandip tunisassiorfiani sulineq qanoq pilerinartiginersoq takutikkusupparput. Taamaattumik aamma oqaluttuarerusupparput sulilluaraanni aalajaallunilu sulisaraani akissarsiagissaarnissamut sulisunillu pikkorissartitsisarnivut aqqutigalugit qaffasinnerusumik atorfininnissamut periarfissaqarluartoq, Svend Larsen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat