Randi Vestergaard Evaldsen: Qaanaaq inerisarneqassaaq
- Assigiingitsut periarfissat isigivagut, soorlu takornariartitsinerut iluani. Assigiingitsunik periarfissaqarpoq inerisaanissamut, Randi Vestergaard Evaldsen oqarpoq. Taanna Naalakkersuisut tamangajammik marluninnaat minillugit, Qaassuitsup Kommunialu peqatigalugu Qaanaami inuussutissarsiornermut tunngasunut paasiniaapput, Qaanaap ineriartortinnissaa sammisaralugu.
Aamma atuaruk Qaanaami suliffissaaleqisoqarpoq
Tassani workshopini assigiingitsuni sisamani suliffeqarfiutillit pisortaneersullu peqatigalugit nutaanik suliffinnik pilersitsinissaq eqqartorpaat.
Qaanaami inuit sulisinnaasut tallimaagaangata ataatseq suliffissaaleqisarpoq. Inuillu illoqarfimmiit noorarput. Illoqarfimmili arlalinnik periarfissanik atorluarneqarsinnaasunik peqartoq, Randi Vestergaard Evaldsen oqarpoq.
- Assigiingitsunik periarfissaqarpoq inerisaanissamut aammalu nutaaliornerup iluani maani Qaanami aamma periarfissaqarluarluni.
Aalisakkanik tunisassiornissaq periarfissatsialaasoq Randi Vestergaard Evaldsenip aamma oqaatigaa. Kisianni pisortaniit suliffeqarfiit Qaanaamut nuunneqarnissaat naatsorsuutaangitsoq oqaatigalugu.
Aamma atuaruk Qaanaami Innuttaasunut ataatsimiisitsinermi peqataagit
Suliffeqarfinnik ineriartortitsiniarlutik tapiissutissanik nassataqarnatik erseqqissarpaa.
- Qaanaamukanngilagut aningaasanik finanslov avaqqullugu nassarluta. Kisiat tamatta sussassaqarfigut naalakkersuisoqarfigut soorunami assigiingitsunik ikiuinissamut immaqaluunniit tapiinissamut periarfissanik aamma nassarluta maangarpugut, Randi Vestergaard Evaldsen oqarpoq, taassuma ima nassuiarpaa sooq Qaanaamiinerlutik.
- Tassa Ironbarkikkut Citronenfjordenimi aatsitassiorfimmik aallarnisarniartut peqatigalugit maanngarpugut innuttaasut paasissutissanik tuniartorlugit. Iluatsillgu naalakkersuisut maanngarpugut innuttaasut aamma naapikkumallugit, inuussutissaqarnermut naalakkersuisoq Randi Vestergaard Evaldsen taama oqarpoq.
