Qaanaami suliffissaaleqisoqarpoq
![](/sites/default/files/styles/image_934x467/public/user_pictures/DaoranaQaaqqutsiaq_Qaanaaq__p1040018.jpg?itok=nInmmImW)
- Taamaattumik neriulluarfigaarput naalakkersuisoqarfiit assigiinngitsut aamma aningaasanik arlaannik immikkoorsisinnaajumaartut ukiuni aggersuni taamaasilluta Qaanami ineriartortitsineq allartinnisaagatsigu, Qaassuitsup Kommuniata pisortaasa qullersaat Hans Eriksen taama oqarpoq.
Aasakkut aalisarneq aallartikkaangat suliffissaaleqisut ikilisaraluartut, suliffissaaleqisut suli amerlapput. Qaanaami maannakkut suliffissaaleqisut 77-iusut pisortaq oqaluttuarpoq. Tassa inuit sulisinnaasut tallimaagaangasa ataaseq suliffissaaleqisarpoq.
- Tassa naatsorsuutigisatsinninngaanniik aamma ukiuni kommunerujussuarnerup kinngornatigut aammalu sanaartugassat nunani immikkoortortani ikiliartoneri ilutigalugit suliffeqarfiit aamma Qaanami ikiliartorsimapput, Hans Eriksen oqarpoq.
Aamma atuaruk Qaanaami Innuttaasunut ataatsimiisitsinermi peqataagit
Suliffissaaleqinerlu aningaasaqarnermut akisusoq taassuma aamma oqaatigalugu.
Pisortat suliffiutaat Qaanaami pingaarnertut suliffissaqartitsisuusut kommunimiit oqatigineqarpoq. Takornarianilli aalluussineq siuariartortoq aamma oqaatigalugu.
Suliffeqarfinnillu nutaanik pilersitsisoqarnissaa pisortap piffissanngorsoraa.
Assersuutigalugulu Nukissiorfinni suliffissaqaraluartoq, tassani periarfissaq atugaarpianngitsoq Hans Eriksen oqarpoq.
Oqaluttuarlpoq, innaallagisserisunik mekanikerinillu pisariaqartitsigaluarlutik.
- Biilit ajortikkaangata mekanikerinik tikisitsineq, imaluunniit innaallagisserisunik pisariaqartitsigaangatta tikisitsisarneq akisuvallaarpoq, Qaassuitsup Kommuniata pisortaasa qullersaat Hans Eriksen taama oqarpoq.