Ramsdalip suli aalajangiusimavaa pikkorissartoqarsimasoq

Nuup Kommunea peqquserlussimaneragaasullu siunnersuisarfiit Inulerisut kiisalu Ramsdal imminnut suli ungaseqaat.

Siunnersuisarfiup Ramsdalip piginnittuata Karl – Erik Nielsen-ip ullaap tungaa radioaviisemut suli aalajangiusimavaa ukioq februaarimi danmarkimi inuit aqqanillit Sullissivik Nuummeersut pikkorissarsimallugit Nuup Kommuneata danmarkimi angalanermi peqataasut sisamat peqataasimaneraraat.

Kommunip oqarnera naapertorlugu angalaneq pikkorissartitsinermik ingerlatsiviunani Vejlemut isumassarsioriartorfiusimavoq.

Karl-Erik Nielsen ippassaq radioaviismut oqarpoq Vejlimi politiit tallimanngorpat attaviginiarini peqquserlunneragaanermut unnerluussut takuniarlugu, kisiannili Ramsdalimi pisortaasup suliaq suli iliuuseqarfiginngilaa. Radioaviisimut Karl Erik Nielsen ima oqarpoq:

-Suliffeqarfiuteqarpunga nakkutigisassannik sap. Akunneratalu naanerani aatsaat suliaq taanna iliuuseqarfigisinnaavara.

Radioavisip paasisai naapertorlugit Vejle Kommune aamma pisumut akuliutsinneqarsimavoq. Vejle Kommunip akuliutsinneqarnera peqquteqarpoq pikkorissartitsinermut ingerlanneqarsimaneragaasumut 32.900 koruuninik aningaasaliissuteqarsimanera. Siunnersuisarfiup Ramsdalip Nuup Kommuneanut 35.000 koruunit missaat pikkorissartitsineraanermut akilertippai.